هر شئی حاضریدی اوشاقلار هرسی اوز یوکون ییغمیشدی ،دورد نفریدیک ، ماشینیمیز دا پراید بایرام تعطیلاتین اورتاسیندا شمال ا ساری یولا دوشدوک هردن دییب گولوردیک هردن ده دایانیب دینجه لیردیک قصدیمیز بیر گئجه قالماقیدی، ییمگیمیزه ده بالیق کنسرویندن سوسیدن پندیردن چورکدن آلمیشدیق ....یتیشدیک دریا قیراغیندا  سو آ  باخیردیم کی نئجه دالغالانیب هر دم اوزون چیرپیردی داشلارا ایللر بویو سوون ایشی ساحیل داشلارینا سویکنمکدی  داشلاردا سئوینج له  سوو  قوجاقلییب آز سونرا دا اوتوروب گئدیردی

چادیریمزی قوردوق هاوا یئلیگیدی اما یاغیش یاغمیردی ، یورگون یورگون قوجا آت لار کی ییئسی ایکی مین تومدن اوترو خالقین دینجه لمگینه یاردیم ائدیردیلره ، باخیردیم.  گئجه نین سونوندا یاواش یاواش یاغیش چیلییردی

بیزده اوزوموزو باسدیریب اوزاندیق......یئل......یاغیش.....سو دالغالانماسی......یولداشیمین خورولتوسی.....گوز قابیم باقلاندی.

ائله بیل اون دقیقه ده اولمامیشدی کی بیر نفر منی ایته لدی ، دور.. دور.. سسلییر  گوره سن نه اولوب! هامی اویانمیشی  ساعات بئشه یوخونودی ،دئمه یاغیش بیزی گوتوروب  یورگان پتی لر هامیسی یاش، آلتیمیز سو، پالتارلاریمیز یاش یاش ، اوشاقلار بیر هایا قالمیشدیلار منده گولوردیم اونمسیز اوزانمیشدیم دییردیم نه یاخشی اولدو بوجور اولدو یوخسا هئچ خاطیره اولمازیدی سونرا دوروب ور وساییلی ییغیشدیریب ماشینا کوچدیق بیر قیسقیندا هره اوزون یئرلشدیریب یورگان لاری  چکیب صوبحه چاغ یاتدیق

اویاندیق......اووه ساری یولاندیق  بو یولچولوقدا هئچ داد قاییدان یول تکین یاخشی دییردی ...دومانلار داغلارین بوینونا دولاشمیشدیلار نه ماراقلی صحنه ایدی باشیمی پنجرده اشیگه چیقارتدیم اوجان باغییریردیم...........آآآآآآآآآآآآآآآآی دومانلی داغلار.........یولداشلاریم تورکی بیلمیردیلر هردن دییردیلر نه دییسن؟ گینه باشیمی چیقاردیب سسله دیم .........آآآآآآآآآآآآآآی دومانلی داغلار......سورغولارینا گوره سوسدوم ، آخی من نئجه بو دویغونو اونلارا دییه بیلردیم!

یولچولوق باشا چاتدی اما یاخشی خاطیره اولدو ، سیزده اگر دومانلی داغلاردان تاپا بیلمدیز، گوندلیک چرچئوسینده چیخماقی چون هردن پنجره نی آچیب اوجادان چاغیرون  ... آی خیردا چورک ساتان!